Werkvolkkapelle Neumarkt

Weihnachtsfeier 16.12.2007
Diesmal keine langen Erklärungen - Nikolaus und Grampus sagen bereits alles!
	Nikolaus schmatzt mim Grampus (Nikolaus = schwarze Schrift, Grampus = blaue Schrift) Von drauß´ vom Walde kumm i her, i muaß eich song, es gfreit mi sehr, dass ihr mi eiglon habts zum Ren, denn es is richtig vü geschehn. Landtag, Ausflug, Wandertouren, hinterließen manche Spuren. Bierzelt, Kirche und Konzert – allerlei hob i da khert. Drum wü i goaned länger wartn und lobend meine Rede startn... Mei liaba Freind, wos foit dir ein!? Des is a schludriger Verein! Öha! Da Grampus! A hergfunna?? Wia bist na du ind Gaststum´ kumma? Die Wuad treibt mi – des is ned gsund, ganz trucka is mei Grampusschlund! Herr Wirt! Bittschee a Elixier, bevor die Fassung i valier! Host so vü Schlechtes zu berichtn? Na fang moi o mit deine Gschichtn! Die Proben erst ab Viertel 8, woa ned moi 7e ausgemacht?? Glacht wird z´vü und gschwätzt ned wenga, drum probt da Martin imma länga! Besetzt san oft d´Register schlecht, dass des sich im Konzert ned rächt! Mit hoiba Mannschaft kanns ned klinga, da kann da Martin 50´g Moi singa... Scho um halb 9 foat mancher hoam, entschuldign is ned die Norm! Auch hängt groß vorne an der Wand a Handyschild – Regel bekannt: „Nur im Notall darf es ringen, ansonsten müsst a Kasten springen!“ Doch Hasi hin und Schatzi her – Handies klingln immer mehr! A geh! Etz gibst amoi a Rua! So schlimm geht’s etz aned zua. Es gibt scho Guads a zum Berichtn – im Gegnsatz zu deine Gschicht´n! Es kümmern sich vü Leid mit Gschick um Noten, Nachwuchs, Sound, Musik, um Putzdienst, Auftritte und mehr – solch Engagement, des schätz i sehr! Damit es Spielen funktioniat, brachts ihr die Stücke oft kopiat: Er macht sei Sach mit Perfektion, BLOß Worte g´langa ned zum Lom. „He Sigi, Notnwart auf Zack!“, hob wos für di in meinem Sack. Etz geh moi hea und lass di drückn und mit 3 Flaschla Wein beglückn. Der nächste drom auf meiner List is Martin, fast a Komponist! Du dirigierst, schreibst um, foast weit, und opferst so vü deina Zeit. Für dei Geduld mei Kompliment, mach weida so als Dirigent! Damit da des a guad gelingt, da Nikolaus a DIR wos bringt... Die List ist fast zu End bei mir, da steht nur no 1 Arbeitstier. Hockt stundnlang im Keller drunt und schreibt se seine Finger wund für Briefe, Reden und Programme – meine Hochachtung dem Manne! „Raimund, auch trotz Wendelstein, i find, a Flaschal Wein muass sein.“ Zum Schluss mecht i die Jugend lom, denn fleißig deans am Mittwoch prom. Es wird geflirtet und gelacht! Doch nebenbei s´ D1 gemacht. Für Eifer, Fleiß und Freid am Prom, wenn a ned selten ungezong! Hob i a Zuckerl heid für eich, i hoff, d´Schoklad is noned weich. Wer is na dou heind – stäits moi af! I woaß, ihr woats ganz b´sundas brav! Zu End san meine Lobeslieder, doch näxts Joa kimm i gern wieder. Und bis dahi – Leid reißts eich zam, sunst fangi wieder s´Schimpfa an! Wir wünschen euch a frohes Fest – dassts mir die Pflichtn net vergessts! Und viel Erfolg 2008 – darüber wird ein Buch gemacht!
Nikolaus und Grampus		Unser Dirigent Martin Miess wird reichhaltig beschenkt!

Weihnachliche Weisen vorgetragen von den Saxophonikern		Grampus war nicht nur grantig, er verteile auch Geschenke an JBO

Nikolaus und Grampus fanden aufmerksame Zuhörer		Die Jungmusiker von JBO waren voll konzentriert.

Was hat hier der Nikolaus wohl gebracht?		Die heiligen drei Könige erfreuten uns mit einem weihnachlichem Lied.

Auch der Chor der Engelein war anwesend. 23 Strophen von "Ihr Kinderlein kommet".		Was wäre die Werkvolkkapelle ohne die Jugend. Die können nicht nur spielen, die können auch singen!

Weihnachtsfeier 16.12.2007

Wir wünschen euch a frohes Fest –

Und viel Erfolg 2008 –